SA TRAWLER HERITAGE

                   'n GEBED VIR PELAGIESE VIS

Heer, hierby vra ons dat u die trotste pelagiese vloot ter wêreld sal seën met 'n oorvloed pelagiese vis gedurende die 2024 seisoen. Hou asseblief u veilige hand oor die vloot, vissermanne, fabriekspersoneel en die wat die kosmandjies voorberei ten einde arbeid te kan verrig. Amen.



               NOG 'n NUWE OPDATERING
                           BESKIKBAAR

Môre-môre, ek vertrou dit gaan nog goed met die crew. Die opdaterings agterstand word stadig maar seker ingehaal. Daar is vanoggend weer 'n addisionele opdatering beskikbaar in die Skuite Nuusblad vir die tydperk 3 Junie tot en met 30 Junie 2024 asook twee brokkies historiese nuus hieronder op die Hoofblad waarvan ons die Mauritanië Visekspedisie se herdenking nooit ooit mag vergeet nie. Mooi dag verder vir almal. Over.

                 MAURITANIE PELAGIESE
                         VISEKSPEDISIE
                       55ste HERDENKING

                       19 Augustus - 6 Desember 1969

Dis weer daardie tyd van die jaar wanneer ons terugdink aan 55 jaar gelede toe talle van ons oupa's, pa's en ooms vertrek het vanuit Sandy Point hawe na die onbekende waters van Mauritanië in 'n poging om 'n beter heenkome te bewerkstellig het vir die "Suiderkruis" pelagiese fabriekskip, ten einde die pelagiese bronne om Suider-Afrika te kon beskerm.


On 19 August 1969 a fleet of wooden purse seiners under command of a breed of fishermen, of the likes we shall never see again, set sail from Sandy Point Harbour destined for the unknown fishing grounds of Mauritania. Accompanied by the "Suiderkruis" factory ship, they had to leave in order to protect our pelagic resources.

               "DUINEKUS" JAAG VIR DIE
                          WENSTREEP

Vandag draai Trawler Heritage die tyd terug na November 1988 tydens die heel eerste (en die laaste) trawler resies wat nog ooit in Suid-Afrika aangebied was, en beslis was tussen Tafelbaai en Houtbaai. Op die dag was dit die stokvistreiler "Lucerne" van Viking Fishing wat met die louere weg gevaar het, gevolg deur "Southern Fisher" van Atlantic Trawling in die tweede plek. Afgeneem hieronder tydens die resies het "Duinekus" die pelagiese vloot se naam hoog gehou met 'n skaflike derde plek. (Dis nog daai tyd toe die staalskuite ook hokke op gehad het). Sou Marine Products egter vir "Aranos" of "Towerkop" op die dag ingeskryf het, sou hulle spreekwoordelik die sproei van hul teenstanders se wielhuisvensters laat afloop het, maar toe daag Marine Products die vloot uit, met hul nuut aangekoopte Horse Mackerel treiler genaamd "Eugene Marine" wat op die dag nie genoeg "revs" bymekaar kon maak nie. Die wenkbroue het egter op die dag gelig, met die Oceana Groep se keuse van inskrywing...vanwaar almal onder die indruk verkeer het dat hul sou kom spog met hul jongste toevoeging tot die pelagiese vloot genaamd "Oceana Viking", was dit toe nie die geval nie. Vanwaar die magtige Oceana Groep destyds kon kies uit 'n legendariese vloot waaronder "Apollo", "Concorde", "Sapphire", "Point", "Mercury", die lys van skuitname hou en en aan, daag hulle toe daar op met die voormalige kreefskuit van Houtbaai genaamd... "Kirstenberg", wat op die dag nie hond haar af die mas kon opkom in die suid-weste weer nie. Sal dit vandag nog enigsins moontlik wees om 'n soortgelyke wedvaart binne die visbedryf aan te bied? Ag nee wat, kom ons los daai idee maar sommer net daar in die visputte.

            "DUINEKUS" OPPAD NA 3de PLEK TYDENS DIE 1988
                    TAFELBAAI NA HOUTBAAI TRAWLER RESIES

                  NUUTSTE VIDEO OP DIE
        KANAAL VAN TRAWLKAMPIOENE

                          IETS VAN ALLES
                  APRIL - SEPTEMBER 2024

In die Iets van Alles video hieronder vir die tydperk April tot September 2024, word nie minder nie as 19 skuite en 'n skip uitgebeeld waaronder "Berggans", "Bateleur", "Michelle", "Seedelwer III", "Poseidon", "Wildegans II", "Stormgans", "Kolgans", "Vleigans", "Wafra", "Baby Ronald"; "Borderer"; "Ocean Blue", "Renja", "Romano Paulo"; "Ultra Galaxy", "Derek 1", "Karin 1"; "Duinekus" en "Imbaza". So, draai oop die volume knop en maak so bietjie geraas saam met die Trawlkampioene!

ONS GROET VIR "BABY RONALD"!

Afgeneem hieronder op 26 Augustus 2024 in die Gansbaai Nuwehawe lê die laaste oorblyfsels van die "Baby Ronald" se rame nadat die skuit voorheen op 6 Augustus op haar mooring gesink het in die hawe. En hiermee eindig die storie dan van die legendariese "Baby Ronald" wat oor die afgelope 88 jaar deel was van die trotste vissersvloot te wêreld.

"BABY RONALD" TYDENS GELUKKIGER DAE

GOOD-LUCK "CHAR-NEIL"!

Afgeneem hieronder op 19 Julie 2024 op die Sandy Point skeepshelling staan "Char-Neil", die eertydse "weggooi-kind" van die Suid-Afrikaanse pelagiese bedryf. Voorheen bekend as "Ukuloba", het Sachal oor die afgelope paar maande harde ure in gesit om die skuit weer in 'n seewaardige kondisie te kon kry. Uit die foto hieronder is dit duidelik dat die skuit se pens nou sommer lekker dik geplak is van die glasvesel.

                    RITCO MARINE VERSKAF CATERPILLAR
                                ENJIN VIR "CHAR-NEIL"

Afgeneem hieronder op 28 Mei 2024 so op sonsak, by die Ritco Marine werkswinkel in Brackenfell, staan 'n Caterpillar 3412 enjin, bestem vir die "Char-Neil", gereed om afgelewer te word in Sandy Point hawe, dit nadat die skuit se oorspronklike Mitsubishi enjin uitgehaal en aan die nuut geboude "Annabelle Rose" gegee was.



Afgeneem hieronder is 'n gesig wat elke skuitbouer se hart so bietjie vinniger sal klop, met die "Char-Neil" se Caterpillar, propeller en shaft wat agter op die vragmotor se bak staan.

                 TALLIE MARINE LAAT NUWE
               PELAGIESE SKUIT TER WATER

GOOD-LUCK "ODYSSEY"!

Afgeneem hieronder op 19 Julie 2024 in Sandy Point hawe is die "Odyssey", die nuutste 83-voet pelagiese skuit wat deur Tallie Marine ter water gelaat is.

Afgeneem hieronder val die klem om die dun rant op die bakboord-sy soos aangetoon met die rooi sirkel. Trawler Heritage is bevrees dat die kettingstroppe en die vasmaaktoue gaan die skuit uitermatig verrineweer tot in so 'n mate dat mens binnekort rou glasvesels gaan sien waai in die wind.

Afgeneem hieronder, in skerp kontras met die "Odyssey" se "dun rant", word die konstruksie uitgebeeld van die "Annabelle Rose", wat oor 'n veel "dukker rant" beskik op bakboord. Waarom die "Odyssey" oor 'n "dun rant" beskik, sal nie kan sê nie?

Afgeneem hieronder, soos aangetoon met die rooi sirkel, is daar 'n "step" ingebou op die "Odyssey" se stuurboordsy...op 'n tjokkaskuit vertoon dit pragtig, op 'n tunapaalskuit werk dit uitstekend, maar op 'n pelagiese skuit is dit net 'n kwessie van tyd voordat die mannetjie vir hom uitmekaar uit gaan ruk totdat daar net rou "foam" sigbaar gaan wees. Dis net hier waar eertydse skuitbouers soos Harold Misplon en Hugo Tallie dekades terug reeds hul skoolgeld betaal het aangaande die toevoeging van 'n "step" in hul ontwerpe. Ontleed weer die konstruksie van talle eertydse pelagiese skuite waaronder "Dalness", "Baby Ronald", die "ou-Dagbreek", die "ou-Neptune" en "Groenvlei". Daardie kaliber skuite was almal toegerus gewees met 'n "step", maar hul ontwerp was 'n spieëlbeeld in vergeleke met die huidige ontwerp soos gesien word op "Odyssey", en tog het die eertydse ontwerpe die toets van tyd weerstaan. Aan die einde van die dag moet mens in gedagte hou dat 'n skuit nie aan 'n net ruk nie (nooit nie) - die feit is, dis die net wat aan die skuit ruk, en dis dan wanneer 'n skuit goed opgefoeter word...

                TALLIE MARINE LAAT NUWE
                TUNAPAALSKUIT TER WATER

                  GOOD-LUCK "POSEIDON"!

Afgeneem hieronder op 15 Augustus 2024 langs die Ooskaai in die Kaapse dokke is die "Poseidon", die nuutste tunapaalskuit wat deur Tallie Marine ter water gelaat is. Alhoewel die skuit reeds vroeg gedurende 2024 in die water gesit gesit was, het sy egter Trawler Heritage bly ontwyk, en selfs gedurende die afgelope snoek-seisoen, het sy deel gevorm van die vloot werksaam langs die Weskus, maar was sy telkemale net buite bereik van die kameralens.





           "POSEIDON" - TOEGERUS DEUR VICTRON ENERGY

In die video hieronder word die "Poseidon" van naderby bekyk asook die werksaamhede by die Tallie Marine skeepswerf in Sandy Point hawe.

         "BOLOKO I" GLIP OOR DIE GRENS

Afgeneem hieronder is die stokvislanglynskuit "Boloko I" van Houtbaai wat op 17 Julie 2024 vir die laaste keer uit Suid-Afrikaanse gebiedswaters gevaar het oppad na Walvisbaai vanwaar 'n nuwe eienaar die skuit gekoop het. In haar vorige lewe het sy die rol vertolk as 'n patrollieboot, genaamd "Kuswag III".

            GOOD-LUCK "HELENA NDUME"!

Afgeneem hieronder gedurende Februarie 2024, vertrek die nuutste toevoeging tot Walvisbaai se langlynvloot, "Helena Ndume" vanuit Uruguay tydens haar afleweringsvaart na Kaapstad, voordat sy na Walvisbaai vertrek het. In die foto hieronder was die skuit se naam, areakode sowel as die "port of registry" reeds dood geverf, alhoewel die Namibiese roepletters "V5MP" alreeds sigbaar was teen die wielhuis.

                SKUITE UIT DIE VERLEDE
                    "HARVEST LEADER"

Afgeneem hieronder wys die voormalige Sea Harvest sleeptreiler genaamd "Harvest Leader" haar slag in slegte seekondisies. Die "Harvest Leader" was 278 voet lank, maar is ongelukkig alreeds terug in 2005 gesloop.

                SKUITE VAN ELDERS...
MET 'n SUID-AFRIKAANSE KONNEKSIE

Reg mense, dis weer tyd om te kyk na skuit verwikkelinge in die Noordelike-halfrond. In hierdie uitgawe is daar egter 'n kinkel in die kapdraad, en gevolglik kyk ons na nuwe skuite waarvan hul voorsate nog huidiglik of voorheen ook in Suid-Afrikaanse gebiedswaters werksaam was. Mens moet egter nie oorweldig word deur die fisiese grootte of luuksheid van hierdie skuite nie. In elkgeval is hierdie skuite veels te groot en te diep om suksevol te kan werk vanuit ons bestaande vissershawens. Soos Trawler Heritage al telkemale in die verlede geskryf het, beskik Suid-Afrika nie oor die grootste, die mooiste, of tegnologies die mees gevorderdste skuite nie - ons hier aan die suidpunt van Afrika is dood eenvoudig net die trotste vissersvloot ter wêreld! En daarmee kan niemand stry nie, want geen ander vissersnasie ter wêreld het iets soos Trawler Heritage nie. (Hulle kom vra glad om net te mag staar na ons skuite se fotos, dit sê al klaar baie...)

                        DIE NUWE "HAVSNURP"

Die eertydse "Havsnurp" van Walvisbaai se naam bly voortleef, en kyk net na die Noore se nuutste "Havsnurp"!

'n volle 229 voet in lengte, 92 voet langer as ons eie "Lisa Ann"...met ander woorde, as die nuwe "Havsnurp" onder Suid-Oranje se aflaaipomp sou lê, gaan die skuit se kop in die fabriek se boiler room staan...okay, ons kry die idee.

                 ENJINKAMER - HIER EET JY VAN DIE VLOER AF!


                                            DEKUITLEG


              WIELHUIS INTERIOR - TE HEL MET STER KINEKOR,
                        ONS VANG VIS OP DIE BIG SCREEN!


                               DIE NUWE "CHRIS ANDRA"

Vir diegene wat nie vertroud is met die naam "Chris Andra" nie, sy is 'n nasaat uit die stamboom van "Atlantic Harvester".



                                   DIE NUWE "JAN MARIA"

Afgeneem hieronder is die nuwe Nederlandse sleeptreiler genaamd "Jan Maria". Gedurende die laat 1970's het een van haar voorsate ook genaamd "Jan Maria", 'n eertydse Dutch Beamer, deel gevorm van die Suidkus kreefvloot wat werksaam was vanuit die Kaapse dokke.

DIE NUWE "PATHWAY"

Vir diegene wat nou kopkrap oor hierdie naam, sy is 'n nasaat uit die stamboom van ons eie "Sette Mari" - liewe hel!

                                     DIE NUWE "ADENIA"

Afgeneem hieronder is alreeds die derde generasie skuit genaamd "Adenia".


Laat haar in die hande van Christiaan oor...en Trawler Heritage belowe julle, dat behalwe die skuit altyd vol sal wees, sal al wat 'n verlore 16de, 17de en 18de-eeuse anker wat vergete lê langs ons kuslyn, ook saam kom huis toe...

'n POSKAART VIR SAMSA

Nou ja mense, Trawler Heritage reken dis weer tyd om vir ons vriende daar by SAMSA 'n poskaart te stuur, alhoewel Trawler Heritage geensins twyfel dat SAMSA se manne redelik besig was die afgelope tyd met al die insidente rondom ons kuslyn. In die foto hieronder word daar weereens bewys dat 'n houtskuit nie sommer sink nie, selfs al laai jy hom vrek dat net die swart rant nog bokant die water uitsteek. En die crewmanne? Wel, as hulle nie kans sien om onder in die focsle te gaan lê nie, laat hulle maar bo-op die net sit, en vir die res van crew, laat hulle sommer saam ry agter-op die trawlbakkie. Maklik!

DIE SKUIT-TOILET UPDATE

Reg mense dis weer tyd om nader te sit om te kyk hoe lekker loop die skyt, skuus ek bedoel "skuit"... Nou vandag beloer ons 'n nuwe skuit-toilet wat ingebou is in die kop van die "Excalibur" soos aangedui met die rooi sirkel in die foto hieronder. Ietwat 'n vreemde plek vir 'n skuit-toilet, maar aangesien "Excalibur" se seedae iets van die verlede is, is enigiets seker moontlik.

Afgeneem hieronder, en nader aan 'n skuit-toilet se rioolpyp kan Trawler Heritage seker nie kom nie. Tot 'n volgende keer, skuit-skuit my storie is uit.

"VLAEBERG" HYS DIE WIT VLAG

Afgeneem hieronder op 27 Junie 2024 in Saldanhabaai lê die gewese tunapaalskuit "Vlaeberg", vanwaar die skuit onlangs verkoop was aan 'n nuwe eienaar van Gaboen in Sentraal-Afrika. Dit was egter tydens die afleweringsvaart vanaf Kaapstad na Gaboen, dat die skuit se Cummins begin oorverhit het, wat gelei het tot 'n noodsein wat uitgestuur was, en te hulp gesnel is deur 'n N.S.R.I vaartuig onder leiding van Nick Stevens van Sachal-faam, wat op daardie stadium besig was met oefeninge buitekant Langebaan. Ten tyde by aankoms in Saldanhabaai was daar blykbaar net twee siele aanboord van die skuit, en dis toe net daar dat SAMSA sê "tot hier toe, en nie verder nie". Slegte nuus is egter dat "Vlaeberg" nooit weer 'n enkele seemyl sal loop nie, vanwaar die eienaar reeds opdrag gegee het dat die skuit op die plek gesloop moet word. En dis hier waar nog 'n roemryke era tot 'n einde kom. Oor haar leeftyd heen van 72 jaar, het sy wie weet hoeveel huise en karre gekoop, kinders se skoolgeld en universiteitsgelde help betaal, kos en klere rekeninge betaal en vir duisende sigarette en kroeguitstappies betaal. Die "Vlaeberg" was die laaste oorblywende pelagiese skuit van die gewese fabriek genaamd Hout Bay Canning, voordat die fabriek en die fabriek van Da Gama Visbedyf saam gesmelt het. Ons groet jou, "Vlaeberg"!

HIER KOM DIE "OCEANA RASTA"...

Afgeneem hieronder op 19 Julie 2024 by Keyway Shipwright in Laaiplek lê die nuut oorgeverfde "Oceana Ruby" met 'n nuwe en baie ongewone kleurskema wat mens gedeeltelik herhinner aan iets tussen 'n ANC-vlag en 'n rastafariër se kêppie...Hoekom en waarom so 'n ongewone kleurskema gekies is, sal g'n mens weet nie. Daar is oor die jare heen al vele kleurskemas binne ons pelagiese bedryf wat al heeltemal uitgesterf het, om nie eens te praat van "Oceana Ruby" se oorspronklike grys kleurskema van Houtbaai of die lig-blou kleurskema van Stompneusbaai wat sy eens op 'n tyd trots vertoon het nie. Hoekom maar nie eerder een van daardie ou kleurskemas weer gekies nie? Om so te mors met 'n kaliber skuit soos die "Oceana Ruby" is iets wat Trawler Heritage sekerlik nooit sal kan verstaan nie, maar wag - daar's meer!

Afgeneem hieronder op 25 Augustus 2024 op Laaiplek en die gemorsery met "Oceana Ruby" kry net nie einde nie. Aangetoon met die rooi sirkel is die skirting bokant die wielhuis vensters ook nou versier met alerlei kleure. Hoekom, waarom? Julle weet mense, daai einste skirting en die vensterame is gemaak van soliede stukke oregon pine wat ge-olie was...kyk hoe lyk dit nou, dis allermins kreatiwiteit - mens noem dit luiheid!

Trawler Heritage reken hulle moet maar 'n spoor gooi op Arniston se betonblad en vir "Oceana Rasta" hierso kom staan maak, tussen die kleurvolle "tokke". Maar selfs die "tokke" se kleurskemas vertoon veel mooier as die van "Oceana Rasta" s'n...

           WIE WELD STAALSKUITE MET
                     MILD-STEEL STOKKIES?!

Afgeneem hieronder gaan Trawler Heritage maar eerder anoniem bly oor wie en waar afgeneem is in die foto. Net vroeër gedurende 2024 het Trawler Heritage aan die crew 'n houtskuit gewys waarvan die romp se planke met coach screws aan die rame geheg word...Wel, nou is dit die staalskuite wat gaan deurloop om te bewys dat selfs hierso ook gebruike is wat die wenkbroue laat lig, soos hieronder waar 'n nuwe staalplaat op 'n romp ingesweis is deur gebruik te maak van mild-steel stokkies in pleks van LH stokkies. Hoekom? Want mild-steel stokkies is veel goedkoper as LH stokkies, en wat te hel, ons "charge" mos die skuitbase net wat ons wil, en daarby saam maak ons net wat ons wil. Verkeerd! Trawler Heritage het julle uitgevang, alweer! Daardie "pit holes" wat julle daarso sien, is die resultaat wat jy kry wanneer mild-steel stokkies gebruik word! So, kom maar terug en kom maak reg julle brouwerk - dis immers alles behalwe vakmanskap - mens noem dit fcukmanskap (verskoon asb. weer my taalgebruik vandag).


             Hoe op dees aarde "pass" jy 'n MPI-toets met daai klas
                                  sweiswerk? Wel, iemand het!

             ABRAHAM (T)IG-WELD KRY NOG
                      STAINLESS STEEL

Oor die jare heen het die "T" van "Abraham T" al vele betekenisse gehad waaronder "Troubles", "Timber", "Turbo", "Technology" en meer onlangs "Tig-Weld". Kyk, as daar nou een skuit is waar daar nie gemors gaan word met mild-steel stokkies nie, dan is dit nou "Abraham T" (as Long John vir jou vang sweis met mild-steel stokkies mag hy jou dalk net bo van die skuit af klap). Afgeneem hieronder op 20 Augustus 2024 langs die Oos-kaai vertoon "Abraham T" nie net 'n nuwe staal-plaat bedekking oor die agterstewe nie, maar ook 'n splinternuwe vlekvryestaal "shooting tray" op die agterstewe om aan te pas by die vlekvrye staal bollard en fairlead - netjies!

             DIE SKUITE HOU VERJAARSDAG!

Gedurende September-maand vier ons die verjaarsdae van 'n volle 21 skuite. Soos gewoonlik dink Trawler Heritage ook terug aan 'n paar gedugte skuite van weleer wat ook hul verjaarsdae tydens September-maand gevier het by name die "ou-Wildegans", "Silver Angler", "Lochanora", "Buccaneer" en "Kathleen Louise II".

              (Die skuite se onderskeie ouderdomme word
                        hieronder aangetoon in hakies.)

                               Easy Rider (4)


                        Meka Bay (7)


                        Char-Neil (7)

        Die "Char-Neil" met 'n "Ukuloba" sticker daarop, ek
                   vertrou dat die crew dit so sal aanvaar...

                    Oceana Mercury (9)


                       Sea Hunter (14)


                       Silver Laguna (16)


                          Derek 1 (18)


                           Imbaza (19)


                      Santo Mersck (21)


                     Seawin Diamond (21)


                      Seawin Emerald (21)


                      Seawin Ruby (21)


                    Seawin Sapphire (21)

                            Fuchsia (25)


                           Boronia (32)


                            Basani (35)


                        Silver Bounty (45)


                        Blue Sea 1 (47)

                        Sneeuberg (58)


                     Oceana Clipper (67)